Utval for plan og utvikling i Aurland kommune vedtok i møte 28.11.2016 oppstart av planarbeid og utlegging av planprogram til offentleg ettersyn (sak 074/16). Utval for plan og utvikling handsamar og fastsetter planprogrammet etter høyringa. Sakspapir og framlegg til planprogram ligg tilgjengeleg her.

Detaljreguleringen skal leggje til rette for å gjennomføre utdjupingstiltak ved Fretheimsgrunna (U3) og to mindre grunner vest for Åtranesgrunna (U1 og U2) i Aurlandsfjorden. Reguleringsplanen skal og avklare kor overskotsmassane kan deponerast (D1, D2 eller D3). I tillegg ønskjer Kystverket å bytte eksisterande jernstang på Åtranesgrunna ut med kvit lanterne.

Kart med lokalisering av planområde.jpg

Framlegg til planprogram er laga med sikte på at plan- og fagetatar, interesseorganisasjonar og allmenta skal få høve til å gje innspel til kva tema som bør vurderast i tilknyting til planlegginga. Planlagde tiltak er i sjø så inga private grunneigarar vert direkte råka.

Spørsmål til planprogrammet og planprosessen kan rettas til Martin.Tveit@kystverket.no (97786912) eller Johan.Nyland@asplanviak.no (41444049).
Merknader og innspel til planprogrammet og detaljregulering for utbetring av innseglinga til Flåm kan, innan måndag 16. januar 2017, sendast til Johan.Nyland@asplanviak.no eller: Asplan Viak v/ Johan Nyland, Postboks 701 Stoa, 4808 Arendal