Representantskapen i Sogn og Fjordane Ap bestemte seg torsdag for å seie ja til intensjonsavtalen om å gå inn i ein stor vestlandsregion saman med Hordaland og Rogaland.
Det vart avgjort under eit partimøte på Scandic Sunnfjord Hotell torsdag kveld.
Då røystene var talde, hadde 59 røysta for, medan 8 røysta imot.
Nøgd med utfallet
Fylkesleiar i Sogn og Fjordane Ap, Hilmar Høl, er særs nøgd med at fleirtalet var såpass stort at det ikkje vart splitting i partiet.
Avgjersla partiet fatta blir no retningsgjevande for Ap sitt vidare arbeid i saka om samanslåing av dei tre vestlandsfylka.
Høl fortel til Firda at han forstår at det er delte syn i denne saka, men så lenge Regjeringa har fleirtal for at Hordaland og Sogn og Fjordane skal slå seg saman, så meiner han det er viktig å få ein så stor vestlandsregion som molgeg.
Ved å slå saman Rogaland, Hordland og Sogn og Fjordane, meiner han det kan skapast ein kraftfull vestlandsregion som ein motpol mot Oslo-makta.
Høl påpeikar også at det er viktig at Sogn og Fjordane også får ein viktig posisjon i ein eventuell ny stor vestlandsregion.
– Vi må få tilført arbeidsplassar som gir vekst i Sogn og Fjordane også. Vi må sikre at det vert offentlege admininstrative einingar i Sogn og Fjordane, ikkje berre i Hordaland, seier Høl.
AUF ville ha folkeavstemming
Under møtet fremja også AUF eit forslag om at dette skulle ut som folkeavstemming, men forslaget deira fall.