Det var kulturskulerektoren i Gloppen, Ann Karin Ose som hadde teke turen over fjorden for å dele ut Draumestipendet. Det er tredje gong på tre år utøvarar frå Eid får slikt stipend, og i løpet av dei siste 15 åra har det blitt utdelt ni slike stipend i kommunen.
Ose la ikkje skjul på at dei i Gloppen er litt misunnelege på at Eid får fram så mange musikktalent.
Indigo Child har ei imponerande merittliste, og fekk nyleg dei det ærefulle oppdraget å spele for Dronning Sonja då ho opna Loen Skylift.
Også Eid-ordførar Alfred Bjørlo hadde med gåve, i form av ein dag med surfing på Stad. Bjørlo la vekt på kor viktig Kulturskulen i Eid er for å få nye talent til å utvikle seg og ikkje minst den lagånda som rår der dei eldste går inn og backar opp dei yngre.
– De er forbilde for dei som kjem etter, sa ordføraren til Indigo Child som no er i ferd med å førebu seg til neste høgdepunkt; på scena på Malakoff Rockfestival.
– Sjukt kult
Draumestipendet til Indigo Child
Draumestipendet består av 100 stipend på 10 000 kroner kvar– til saman éin million kroner.
Stipendordninga er eit samarbeidsprosjekt mellom Norsk kulturskuleråd og Norsk Tipping.
Stipendet skal vere til inspirasjon og vere eit viktig bidrag til å oppfylle mange unge kulturutøvarar sine draumar.