Spissar VM-formen i USA
Sondre sin treningsvideo frå Florida blei sett 15.700 gongar i løpet av eitt døgn.
Sondre Ødegård Aksnes er på ferie i USA, men ballen og trikseskoa er sjølvsagt med over dammen.
– Eg må jo halda formen ved like før VM. Berre sju dagar etter at vi kjem heim reiser eg til VM i Praha, fortel Sondre då Midtsiden møter han i Old Town i Orlando.
Lagde film «hos» Universal Studios
Som nordmenn flest på besøk i Florida har Sondre og familien fått med seg nokre av dei mange parkane i Orlando.
– Vi har mellom anna vore ein tur på Kennedy Space Center og i Universal Studios. Framfor inngangen til Universal fann eg òg plass til å legga inn ei lita treningsøkt, men den beste hadde eg framfor hotellet vi bur på.
– Der klarte eg tre vanskelege triks på rad, fortel Sondre om sekvensen han fekk filma og lagt på instagramkontoen sin.
Videoen blei i løpet av det første døgnet sett heile 15 700 ganger.
Sjå òg: Sondre og noregsmeister i trial, Vegard B. Bjørø, triksa saman på Sjøfront-moloen.
Gler seg til Tour des Fjords
Sondre fortel at det ikkje er berre VM han gler seg til, men òg å opptre på heimebane i samband med Tour des Fjords-starten i Os i slutten av august.
– Terje Søviknes ringde og spurde om eg hadde lyst. Sjølvsagt hadde eg det. Eg gler meg veldig til å opptre heime på Os, men no er det først å halda fram med treninga her borte, avsluttar Sondre.
Sondre sto over årets NM for å triksa for kongefamilien då dei besøkte Bergen.
Utan at han vil seia for mykje om forventningane til VM, så er i allefall eitt mål klart; å ta seg vidare frå dei innleiande rundane kor fire og fire konkurrerer mot kvarandre og dei to beste går vidare.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.