Tenorane kjem igjen

Det har blitt ein tradisjon, omtrent som jula, at når adventstida nærmar seg så kjem Nordic Tenors med julekonsert i Oseana. Årets juleturné omfattar 28 kultur- og konserthus.

– Publikum kan lede seg til ein vakker og underhaldande julekonsert som garantert vil gje den gode julestemninga, seier produksjonsleiar Ingun Ek hos Kulturoperatørene.

Nordic Tenors består av Jan-Tore Saltnes, Sveinung Hølmebakk og Roald Haarr. Saman med pianist Øystein Lund Olafsen, er det ellevte året på rad dei legg ut på juleturné, som i tillegg til Oseana omfattar Greighallen, Oslo Konserthus, Olavshallen, Stavanger Konserthus og Kilden i Kristiansand.

Gruppa har blitt kjend for å kombinera song med humor, dans og musikalske overraskingar. Etter debuten i 2005, fekk dei komiprisen som årets nykommer i 2006 og oppdraget å vera kongelege toastmastarar for kong Harald i 2007.