Norli junior inviterte skular over heile landet
til å delta i ein omfattande lesekonkurranse.
Norli junior
inviterte skular over heile landet til å delta i ein omfattande
lesekonkurranse. Startskuddet gjekk av laurdag 1.oktober og konkurransen vart
avslutta 31.desember. Fleire klassar på skulen var med på denne
lesekonkurransen. Lærarar og foreldre har gitt fleire tilbakemeldingar som
handlar om leseglede og lesegira ungar. Elevane var enormt ivrige i starten.
Elevane jobba saman som klasse og samla antall sider som vart registrert i eige
system.
Lærarane måtte
godkjenna før bøker vart registrert. Den tøffaste jobben er det elevane som har
gjort, det er dei som har lese alle sidene.
Unni har hatt
hektiske dagar med stor aktivitet i skulebiblioteket. Leseglade elevar har
etterspurt bøker, skrive seg opp på ventelister, henta bøker og teke imot lesetips.
Dette har vore knallkjekt!
Skulen vil
gratulera alle med godt gjennomført konkurranse.
Ein klasse som
fortjener ein ekstra gratulasjon er klasse 5c. Deira innsats gjorde at dei var
med i trekninga av hovudpremiane. Ein måtte vera på lista over dei
25 beste klassane i landet, for å vera kvalifisert til trekning.
5c har klart å
halda motivasjon og innsats oppe, heilt til siste slutt. Dei er den einaste
klassen i kommunen som kom med på lista over dei 25 beste. Av 1250
klassar, kom 5c på ein niande plass. Dei kom på tredje plass for alle
klassane på 5.trinn, av alle skulane i heile landet, med 7315,15 sider
pr.elev. Det er bra det!
For dei som er
leseglade eller har lyst å verta det, kan Norli junior frista med ny
lesekonkurranse med oppstart 1.februar. Då er det ikkje klassar som
konkurrerer, men familiar og /eller vennegrupper. Det handlar om "Oppdrag
Europa", og premiane er reisegavekort til ein eller fleire. Sjekk
heimesida til Norli junior om de har lyst å vera med på dette.
God lesing!