Dei lover perler frå eit rikhaldig repertoar og garanterer både god førjulsstemning og lave skuldre i god tid før jula set inn.
Dei startar fredag kveld i Langevåg kyrkje. Så kjem turen til kyrkjene på Sæbø, Ulstein, Borgund, Vigra og med siste konserten i Hareid kyrkje 27.november, ifølgje ei pressemelding.
Tre allsidige solistar
Alten Merete Brandal har allsidig bakgrunn frå mellom anna jazz, gospel, pop og storband.
I tillegg til lokale oppdrag har ho jobba og turnert med mellom anna Jan Eggum/Blåtur, Bjørn Eidsvåg, Damer med mannskor, Beate Lech, Iver Kleive og Knut Reiersrud.
Bjørn Holum er bass-songaren frå SKRUK og Det Norske Kammerkor, men han har også i ei årrekke jobba som solist i ulike samanhangar.
Gjennom sitt virke som arrangør og korleiar har han mellom anna jobba med Jan Eggum og fleire lokale kor og artistar i tillegg til å vere aktiv som songar og skodespelar i Herøyspelet/Kongens Ring.
Sopranen Tina Brandal har saman med Merete og Bjørn vore med i vokalgruppa Damer med mannskor/Blåtur, og ho har turnert med Bjørn Eidsvåg, Jan Eggum, Iver Kleive og Knut Reiersrud.
Mange har dei siste åra sett og høyrt Tina som solist med ULF/HDU sine store nyttårskonsertar i Ulsteinregionen og i eit uttal andre konsertsamanhengar på Sunnmøre.
Saman med fire musikarar
Med seg har dei Peter Demirov på tangentar. Han er musikar og kulturarbeidar stasjonert i Ulsteinvik. Peter turnerer med ulike konsept og er ein velkjend entertainer og musikarar i regionen.
Kåre Skare Lystad har i tillegg til å vere gitarist reist som lyddesignar for fleire av Norge sine fremste artistar som til dømes D’Sound, Beady Belle og A1.
Fred Michal Knotten er aktiv som trommis i mange konstellasjonar på Sunnmøre, og spelar med mange ulike kor og artistar.
Jan Thormodsæter er mykje nytta som eventplanleggar, korarrangør og bassist og har tidligare fartstid innan artistmanagement og konsertbooking.