I helga vann Håvard "rain" Nygård den største seieren i si karriere så langt.
Saman med laget FaZe Clan, med spelarar frå Finnland, Danmark, Bosnia og Frankrike, vann han førsteplassen i ei internasjonal turnering i Ukraina.
Premiepotten var på 300.000 USD, og FaZe stakk av med 125.000 dollar av desse.
Turneringa heiter StarLadder i-League StarSeries Season 3, og spelet dei konkurrerte i er skytespelet Counter Strike.
Nygaard, som bur i Stavanger, er i dag blant verdas beste i CS, ifølgje NRK. Men for berre halvtanna år sidan vurderte han å slutte med spel.
- Eg brukte så mykje tid på dataen, og følte at eg ikkje fekk så mykje ut av livet mitt. Eg ville ha ei utdanning, i staden for å jobbe på Kiwi heile tida, fortel Nygaard til NRK.
Men så fekk han eit tilbod frå ein esport-organisasjon, så han sa opp jobben og satsa for fullt på dataspel.
Han er per i dag ein av tre nordmenn som lever av å spele Counter Strike, som er eit av dei største esport-spelene i Norge. No tener han over 100.000 kroner i månaden og reiser 250 dagar i året for å spele data.
E-sport er i stadig vekst. I fjor hadde den mest sette finalen 43 millionar sjåarar. Og Nygaard trur det vil merkast i Norge at sporten veks.
- Du kjem til å sjå det på TV, til dømes. Og esport-utøvarar kjem til å bli gjenkjent på gata, seier han til NRK.
Les meir om Håvard: