Sport | 21. okt. 2018

Slo 48 år gamal rekord

Kappgang på Kuventræ: Deltakarar frå heile landet med sterke tider.

Slo 48 år gamal rekord
Siri Gamst Glittenberg sette ny pers, Tobias Lømo slo 48 år gamal kretsrekord. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøysøndag 21. okt. 2018 09:46

Bildeserie:

Søstrene Mari (t.v.) og Nora Wiik Søreide. (Privat foto)
Søstrene Mari (t.v.) og Nora Wiik Søreide. (Privat foto)
Klar for start. (Privat foto)
Klar for start. (Privat foto)
Erling Andersen. (Foto: KVB)
Erling Andersen. (Foto: KVB)
Delar av deltakarane som trener og konkurrerer i Os i helga. (Foto: KVB)
Delar av deltakarane som trener og konkurrerer i Os i helga. (Foto: KVB)
1 av 4
Søstrene Mari (t.v.) og Nora Wiik Søreide. (Privat foto)
Klar for start. (Privat foto)
Erling Andersen. (Foto: KVB)
Delar av deltakarane som trener og konkurrerer i Os i helga. (Foto: KVB)

I helga er 25 deltakarar frå 8-10 ulike fylke i Os for å gå kappgang.

– Tidlegare hadde vi færre klubbar, men store kappgang miljø i nokre av klubbane. No er det langt fleire klubbar som driv med kappgang, men færre deltakarar frå kvar klubb, fortel Erling Andersen frå STIL (Søfteland Turn og Idrettslag).

Sjølv vann han sitt NM-gull nummer 100 i veteran-NM i Stjørdal i august.

– Når miljøa er så spreidde som no, er det viktig for både utøvarar og trenarar å samlast. Med Søftelandsmarsjen får utøvarane trent og konkurrert i lag, samtidig som trenarane får seg eit kompetanseløft.

Fredag var det teknikktrening på Friplassen på Søfteland, laurdag var det konkurranse på bane på Kuventræ og i dag blir det landeveg på Søfteland og Gåssand.

Gode tider og nye rekordar

Utøvarane kjem frå blant anna Tromsø, Ålesund, Stavanger, Moss og Oslo, og konkurrerte i distansar frå 600 til 5000 meter.

Frå Søfteland deltok Alva Margun Jensen i rekrutt (under 10 år, 600 meter) og søstrene Mari (J10) og Nora (J13) Wiik Søreide.

– Nora hadde mål om å klara seniorkravet til 3000 meter i NM, som er på 16.30, og det gjorde ho med glans! 16.06,88 er ny pers og langt under kravet, men ho må framleis venta til ho er 15 år før ho får delta i senior.

Ingen frå Oslo har gått fortare

Siri Gamst Glittenberg frå Laksevåg og Tobias Lømo frå Tjalve i Oslo tok NM-sølv tidlegare i år, og sette begge ny pers på 5000 meter på Kuventræ i går.

– Den førre rekorden min sette eg for eit halvt år sidan, det var òg på Kuventræ, fortel Siri.

Ho gjekk 5000 meter på 24.48,33.

Tobias Lømo kom i mål på 23.43,81.

– Tobias si tid er ny kretsrekord for Oslo. Førre rekord er frå 1970, fortel Andersen.

Dette er same år som Erling starta med kappgang. Rekorden blei sett under NM på Krohnsminde, av han som tok sølv. Vinnaren det året, Jan Rolstad, var ein av dommarane på Kuventræ i går.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.