Onkl P & De Fjerne Slektningene kjem til Utkant-festivalen i Skjerjehamn i Gulen i sommar. Det annonserer festivalsjefen i ei pressemelding.
– Vi veit dei kan lage liv kvar for seg. Det har dei nemleg allereie bevist for Utkant-publikummet, skriv presseansvarleg Linn Dyveke Wilberg.
I 2011 spelte Jaa9 og OnklP på festivalen, og dei fleste medlemmane i Slekta spelte på festivalen i 2013 – då som rockebandet Oslo Ess.
- Les også: Bjella klar for Utkantfestivalen
– Sidan debuten i 2014 har Slekta produsert hits på grensa til landeplager. Eg gler meg enormt til å sjå dei sette Utkant i fyr når dei går på scena like etter at Stein Torleif Bjella har servert vakre viser, seier festivalsjef Viggo Randal.
Syng om angst
OnklP, eller Pål Tøyen som han eigentleg heiter, vart først kjend som eine halvdel av hiphop-duoen Jaa9 og OnklP, men har dei siste åra gjort suksess åleine og saman med gjengen frå Oslo Ess. Dei danna gruppa Onkl P & De Fjerne Slektningene, og har mellom anna gitt ut låten «Styggen på Ryggen» som blei kåra til årets låt av VG, fekk Edvard-prisen 2015 i klassen tekst til musikk, og den blei nominert til årets hit på Spellemannprisen i 2014. Onkl P & De Fjerne Slektningene blei også kåra til årets liveartist på P3 Gull i 2014. Låten har ein sjølvbiografisk tekst om angst.
- Les også: Hellbillies kjem til Gulen
For to år sidan var Pål Tøyen å sjå på TV-skjermen som ein av gjengen i programmet «Hver gang vi møtes».
Meir i vente
OnklP & De Fjerne Slektningene skal spele på fredagen på Utkant, i tillegg til mellom anna Stein Torleif Bjella. På torsdagen spelar Hellbillies og nykommaren Sigrid frå Ålesund. Laurdagen står rapparen Silvana Imam for tur.
– Mykje bra er på plass, men det kjem sjølvsagt meir. Booking-kabalen er i ferd med å gå opp og vi lovar fleire nye namn før påske, seier Randal.
Utkantfestivalen fekk fleire hundre tusen i støtte: – Dette er med og sikrar grunnlaget for vidare drift
Utkant med dårleg økonomi – Permitterer festivalsjefen og ber kommunen om lån