Tilstanden er alvorleg, men stabil for ein 19 år gammal mann som vart skadd i ei trafikkulukke i Erdalen i Førde i går.
– Han får framleis intensivbehandling her hos oss, og status er at mannen er alvorleg skada, seier Trine Nordgård Stensås, kommunikasjonsrådgivar ved St. Olavs Hospital i Trondheim.
- LES OGSÅ:
To personar alvorleg skadde
Totalt fem personar var involverte i ulukka, og tilstanden er også alvorleg for ein 24 år gammal mann som er innlagt på Haukeland universitetssjukehus i Bergen. Tre andre kom frå ulukka med lettare skadar.
Trafikkulukkesgruppa til Statens vegvesen har vore på staden for å gå igjennom ulukkesstaden og sjå etter spor saman med kriminalteknikarar frå politiet.